Pawarta Basa Jawa "Sri Mulyani Dadi Menteri keuangan Maneh"

Sri Mulyani Dadi Menteri keuangan Maneh

Sri Mulyani

Sri Mulyani Indrawati bali menyang pose sing lawas minangka Menteri Keuangan, Rebo (27/7). Jroning reshuffle kabinet kang dianakake Presiden Joko Widodo, Manajer Direktur Bank Dunia (World Bank) iku ditimbali mulih menyang Indonesia sawise nem taun lawase ngantor ing Amerika. Sri Mulyani “kontal” saka kabinete Presiden Susilo Bambang Yudhoyono taun 2010 sawise disengguh kembet ing perkara bail out (suntikan dana) marang Bank Century dening anggota DPR. Ewadene kasus kasebut ora bisa dibuktekake. Jokowi mawas Sri minangka pawongan kang bisa ngungkih ekonomine Indonesia sing seprene lagi kejlungup.

Kejaba Sri, Jokowi uga ngangkat sawatara menteri anyar kanggo ngganti pejabat sadurunge, yaiku Wiranto (Menko Polhukam), Airlangga Hartarto (Menteri Perindustrian), Enggartiasto Lukito (Menteri Perdagangan), Budi Karya Sumadi (Menteri Perhubungan), Muhajir Efendi (Mendikbud), Eko Putro (Menteri Desa, Pembangunan Daerah Tertinggal lan Transmigrasi), lan Asman Abdur (Menteri Pendayagunaan Aparatur Negara lan Reformasi Birokrasi). Presiden paring andharan, rombakan kabinet diajab bisa ngundhakake koordinasi jroning nyambut gawe kanggo kapentinganie rakyat.